Сум, дүүргийн ИТХ-ын 2016 оны ээлжит сонгуулийн дүнд байгуулагдсан ИТХ-ын анхдугаар хуралдаан 2016 оны 11-р сарын 04-ний өдөр  90,5 хувийн ирцтэй хуралдав.  Анхдугаар хуралдааныг шинээр сонгогдсон төлөөлөгчдийн насаар хамгийн ахмад нь болох Ю.Жигмэддорж нээж удирдав. Анхдугаар хуралдаанаар шинээр сонгогдсон төлөөлөгчдийн бүрэн эрхийн тухай, сумын ИТХ-ын дарга, тэргүүлэгчдийг сонгох, Хурлын хороодыг байгуулж, бүрэлдэхүүнийг батлах, сумын Засаг даргад нэр дэвшүүлэх тухай гэсэн 6 асуудлыг хэлэлцэн шийдвэрлэлээ. 

Сумын ИТХ-ын даргаар МАН-ын бүлгээснэр дэвшүүлсэн Тогтохбаярын Эрдэнэбат 94,7 хувийн саналаар сонгогдож, тэргүүлэгчдээр Д.Ганзориг, Ч.Оюун, А.Энхмаа, Б.Оюунчимэг, Л.Болд-Очир, Б.Амгаланбаяр нар олонхийн санал авч сонгогдлоо.  МАН-ын намын бүлгээс нэр дэвшүүлсэн Долгорын Пүрэвдоржийг 94,7 хувийн саналаар сумын Засаг даргад нэр дэвшүүллээ.